Pubblicato: 03.02.2014.
L’Unione Italiana, in colaborasiòn con la Region Veneto e l’Università Popolare de Trieste e
con el Patrocinio dela Città de Buie e dela Region Istriana, publica el
Concorso „Dimela cantando“ per canzoni nove che vegnarà sonade e cantade al Festival dell’Istroveneto 2014.
Cosa bi∫ogna far?
Prima de tuto ghe vol scriver la cansòn, parole e musica, e mandarla fina el 28 febrajo
2014 per posta semplice, al indirizo:
Unione Italiana
Festival dell’Istroveneto – Concorso „Dimela cantando“
Uljarska 1/IV
51000 FIUME
opur, per quei più moderni, per posta ‘letronica al indiriso: info@istroveneto.com
Quando mandè la cansòn, cusì o colì, dovè scriver:
– titolo dela cansòn
– i dati de chi che ga scrito la cansòn
– la registrasion demo (su cidì o in formato emepitre)
– una copia dele parole della cansòn
Ste teneti: le cansoni che mandè le pol eser scrite solo in istroveneto!
Tute le cansoni che rivarà per tempo le sarà valutade de una comision che decidarà quele
che vegnarà sonade e cantade al Festival, in ba∫e al valor artistico dela canzòn.
I autori dele canzoni che sarà sjelte i ghe cedi i diriti de autor al organi∫ator. Ai autori
comunque ghe resta i diriti previsti dala lege.
Le cansoni sarà sonade e cantade a Buie verso el cavo de magio del 2014, dal vivo o sula
ba∫e mu∫icale pronta, e le sarà valutade da una ‘po∫ita giuria e dal publico. Le meje, le
vinzarà el premio.
